Një aksident është raportuar në aksin nacional Berat-Urë Vajgurore, në fshatin Moravë.
Burime për Abcnews.al bëjnë me dije se mjeti tip “Benz 250″ është përplasur me mjetin e OSHEE-së, ndërsa raportohet se 3 persona kanë mbetur të plagosur.
Për shkak të plagëve të marrë në krah dhe në këmbë, të plagosurit janë nisur drejt spitalit të Traumës.
Sakaq në vendngjarje ndodhen forca të shumta të policisë dhe repartit zjarrfikës.
Berat/Informacion paraprak
Rreth orës 16:45, në rrugën interurbane Berat-Urë vajgurore, pranë fshatit Moravë janë përplasur mjeti tip Benz me drejtues shtetasin E.B, banues në Urë Vajgurore me një mjet tip Skoda me drejtues shtetasin A.Ç, banues në Skrapar.
Si pasojë e përplasjes janë dëmtuar të dy drejtuesit e mjeteve dhe pasagjeri që udhëtonte në mjetin tip Skoda shtetasi E.B, të tre të dëmtuarit po marrin ndihmë mjekësore në Spitalin Rajonal Berat, jashtë rrezikut për jetën.
Grupi hetimor po punon për zbardhjen e shkaqeve të aksidentit.
/abcnews.al/
