Mjekët indianë filluan një grevë 24-orëshe të shtunën për të protestuar ndaj përdhunimit brutal dhe vrasjes së një mjekeje në vendin e saj të punës në qytetin lindor të Kalkutës.
Gjatë grevës, e cila filloi në orën gjashtë të orës lokale, do të kryhen vetëm procedura emergjente, njoftoi dhoma e mjekëve.
Një mjeke 31-vjeçare u përdhunua dhe u vra javën e kaluar në poliklinikën dhe kolegjin mjekësor në Kolkata ku ajo punonte, duke shkaktuar protesta nga mjekët në të gjithë vendin dhe duke kujtuar përdhunimin në grup dhe vrasjen e një studenteje 23-vjeçare në një autobus në Delhi në 2012.
Zemërimi që ligjet e rrepta nuk kanë çuar në uljen e dhunës ndaj grave ka nxitur demonstratat e mjekëve dhe shoqatave të grave.
“Gratë janë shumica në profesionin tonë në këtë vend. Ne gjithmonë kemi kërkuar dhe do t’u kërkojmë atyre të jenë të sigurt”, tha presidenti i dhomës RV Asokan.
Ndërkohë, më shumë se një milion mjekë dhe personel tjetër mjekësor pritet të marrin pjesë në grevë.
