Vjollca nuk mund të lëvizë. 45 vjeçarja nga Tirana ka lindur me probleme fizike dhe për të kujdeset e ëma 80 vjeçe.
Kohët e fundit është diagnostikuar dhe me tension të lartë të gjakut.
Në pamundësi për të shkuar vetë tek mjeku për të normalizuar vlerat e tij bluzat e bardha I shkojnë në shtëpi.
“Kur marrim në telefon janë të gatshme, kanë ardhur përherë, edhe mua më kanë ndihmuar, kanë bëre dhe mua analizat, jo vetëm gocës mi kanë marrë këtu në shtëpi”
31 qendra shëndetësore në të gjithë vendin ofrojnë shërbim në banesë për të pamundurit, invalidët e të moshuarit që kanë nevojë për shërbim shëndetësor të dedikuar.
“Matje tensioni, oksigjeni, pulsi, temperatura, mjekim plagësh nëse ka plagë të hapura, ata që janë në regjim shtrati. Në qoftë se pacienti do shërbim të veçantë nga mjeku specialist i ofrohet dhe kjo gjë, nëse ka nevojë për psikoterapi, shkon psikologe e qendrës.”
Pacientët që përfitojnë caktohen nga mjeku I familjes dhe një ekip infermierësh shkojnë në shtëpinë e të sëmurit sipas rastit.
“Varet nga stadi i pacientit, ka pacientë që shkojmë një herë në javë, ka që shkohet 3 herë në javë, ka që kryhet dy herë në javë. Qendra shëndetësore numër katër ka 36 pacientë që marrin shërbim në banesë”
Ky shërbim sipas Ministrisë së Shëndetësisë parashikohet të shtrihet në të gjitha qendrat shëndetësore në vend. Në mbledhjen e fundit qeveria miratoi marrëveshjen e bashkëpunimit me Zvicrën, me afat tre vjeçar, që parashikon dhe zgjerimin e shërbimit për gra të kategorive të caktuara dhe fëmijë./abcnews.al
