Kryeministri grek, Kyriakos Mitsotakis pritet të shpallë sot datën për zgjedhjet parlamentare në Greqi.
Në orën 11:00 do të mbahet mbledhja e qeverisë, e cila mund të jetë e fundit për këtë mandat, shkruan Protothema.
Sipas disa raportimeve të mëparshme, mendohet se zgjedhjet do të mbahen më 21 ose 28 maj.
Mitsotakis, mandati i të cilit përfundonte në muajin korrik, do të kërkojë një tjetër besim nga qytetarët për të drejtuar vendin dhe për 4 vite.
Shumë ekspertë e kanë vlerësuar këtë vendim të kryeministrit për të afruar zgjedhjet si të ndikuar nga aksidenti hekurudhor në Larisa ku 46 persona humbën jetën, ndërkohë që mbi 130 të tjerë mbetën të lënduar./abcnews.al
