Zhdukja e të shumë kërkuarit Ervis Martinaj ka detyruar drejtuesit më të lartë të Policisë së Shtetit të zhvillojnë një takim në Prokurorinë e posaçme.
ABC mëson se takimi u mbajt para pak ditësh, ku u diskutua për transferimin e dosjes nga Prokuroria e Kurbinit drejt prokurorisë së posaçme, SPAK.
Gjatë takimit u fol edhe për ish-oficerin e policisë, Jeton Lami, që u arrestua për shpërdorim detyre me dyshimin se ka shoqëruar Martinajn në kohën që ai kërkohej nga SPAK pas operacionit “Plumbi i artë”, raporton Ermal Vija.
Lexoni këtu të gjitha lajmet për zhdukjen e Ervis Martinajt
Lami është transferuar nën masa të rrepta sigurie nga burgu I Shën Kollit në Lezhë drejt burgut 302 në kryeqytet. Burimet bëjnë me dije se, gjatë këtyre ditëve do të merret në pyetje ndërsa ditën e martë në orën 9 e 50 minuta do të dalë përballë gjykatës së apelit në Tiranë pasi kërkon një masë më të lehtë sigurie.
Kur ka kaluar me shumë se një muaj nga denoncimi i familjarë, prokuroria dhe policia nuk kanë ende të dhënë mbi fatin e Martinajt. Në të njëjtën kohë po kryhen verifikime për ndonjë inskenim të mundshëm, pasi nuk ka ende prova që mund ti çojë hetuesit tek rrëmbimi.
Ervis Martinaj u shpall në kërkim ndërkombëtar nga prokuroria e posaçme pas dëshmisë së Nuredin Dumanit i cili tregoi se është paguar prej tij për të vrarë Endrit Doklen.
/Abcnews.al/
