Faktet të reja dalin në dritë në lidhje me zhdukjen e 19-vjeçares shqiptare Artemis Vassilis në Koropi të Greqisë, disa muaj më parë.
Mbrëmjen e kaluar emisioni investigativ grek, “Dritë në Tunel” ka publikuar dëshmi. Një burrë ka thënë se e ka parë vajzën duke kërkuar informacion se si të shkonte në një dyqan lodrash, shktuan “Protothema”, përcjell abcnews.al.
“Një vajzë me të njëjtat karakteristika dhe të njëjtin përshkrim të rrobave erdhi në dyqanin tonë dhe pyeti se si të shkonte në Jumbo. Unë pashë lajmin për zhdukjen në Facebook dhe e njoha. Kur mbërriti policia, kamerat ishin të fikura. I shpjegova asaj se si të arrinte në destinacion dhe sepse ishte pak larg, ajo ishte e paduruar dhe u largua”, tha menaxheri i një dyqani telefonash, duke theksuar se nuk e pa vajzën duke hipur në një makinë, por vazhdoi të ecë në këmbë.
Sipas asaj që është bërë e ditur, 19-vjeçarja shqiptare më 16 tetor të vitit të kaluar i kishte thënë familjes së saj se do të shkonte te jepte intevistë për punë në një dyqan lodrash, pasi kishte aplikuar.
Kamerat në zonë kanë fiksuar të renë duke ecur në bulevard rreth orë 15:00 pasdite. Duket se vajza u lodh duke pritur atje dhe shkoi në stacionin e “Christos Dounis”, i cili ishte vetëm pesë minuta larg. Në këtë moment ajo është parë nga një tjetër dëshmitar.
Një i njohur dhe shok klase i vajzës ka folur me emisionin dhe ka deklaruar se ai e pa atë duke hipur në autobus. “Autobusi kalon poshtë shtëpisë sime. Kështu që si hapa perden pashë vajzën poshtë. Kishte të tjerë në stacion. Ajo ishte në këmbë, kishte vendosur kufjet. Pastaj hipi në autobus dhe u largua”, tha ai
Nga ndalesa e “Christos Dounis” në Koropi, vendi ku sipas dëshmive u pa Artemis, hetuesi privat i familjes, George Tsoukalis, deklaroi në “Tunel”: “Nëse pranojmë që dëshmitari që informoi në emisionin tuaj e kujtoi saktë dhe ai gjithashtu dëshmoi tek autoritetet, është shumë e rëndësishme ajo që tha, që ajo hipi në autobus “.
Sa i përket destinacionit të saj, megjithatë, George Tsoukalis tha se personi i zhdukur nuk arriti kurrë atje, gjurmët e saj humbën afër.
Artemis Vassilis ditën kur u zhduk kishte veshur pantallona të zeza , një këmishë të bardhë me vija blu dhe atlete të bardha. Ai mbante një çantë shpine të zezë. Ai nuk kishte mjet identifikimi me vete. g.v/abcnews.al
