Një zbulim i madh për një planet që nuk duhet të ‘ekzistonte’ është bërë nga shkencëtarët.
Sipas CNNi, bëhet fjalë për planetin 8 UMi b i cili u emërua ‘Halla’, pas zbulimit të tij fillestar nga astronomët koreanë në 2015.
Astronomët besojnë se planeti mbijetoi disi pas tranzicionit të dhunshëm të yllit të tij, i cili normalisht duhet të kishte shkatërruar të gjithë planetët e afërt. Një studim që detajon gjetjet u botua të mërkurën në revistën Nature.
Autori i studimit, Dr. Dan Huber, një anëtar i Këshillit Kërkimor Australian në Universitetin e Sidneit, vuri në dukje se mbijetesa e ‘Halla’ ishte një “surprizë absolute” për studiuesit. Ai shpjegoi se ylli duhet të kishte “gllabëruar” gjithçka aty pranë, përpara se të kthehej në gjendjen aktuale.
Tani, astronomët po përpiqen të përcaktojnë nëse është e mundur që planeti t’i rezistojë një ngjarje kaq kataklizmike yjore.
Një mundësi tjetër është që Halla të jetë një planet mjaft i ri, i lindur nga një re gazi e krijuar nga një përplasje katastrofike mes dy yjeve./abcnews.al
