Mister në Vorë: Dëgjova një të shtënë, çfarë i ndodhi makinës

Një ngjarje e mistershme është raportuar në Vorë. Sipas policisë, një 25-vjeçar ka denoncuar se në rrugën Kuc-Vorë, mbi kodrat e fshatit Gjokaj ka dëgjuar një zhurmë si ajo e të shtënës me armë dhe si pasojë i ka dëmtuar lehtë mjetin e tij.

Uniformat blu bëjnë me dije se nuk ka persona të lënduar, ndërsa po punojnë për sqarimin e rrethanave.

“Më datë 03.10.2021, në rrugën Kuc-Vorë, mbi kodrat e fshatit Gjokaj, shtetasi B. V, 25 vjeç, kallëzon se ka dëgjuar një zhurmë si ajo e të shtënës me armë dhe si pasojë i ka dëmtuar lehtë mjetin e tij. Nuk ka persona të lënduar. Punohet për sqarimin e rrethanave të ngjarjes,” thuhet në njoftimin e policisë. g.v/abcnews.al