Paula Mehmetukaj dhe Blerta Veseli do të përfaqësojnë Shqipërinë dhe Kosovën në “Miss Universe”. Vajzat u shpallën fituese në eventin “Miss Universe Albania & Kosova” që u mbajt mbrëmjen e djeshme.
Kurora e më të bukurës së Shqipërisë u dorëzua nga Cindy Marina, që u shpall vitin e shkuar fituese e “Miss Universe Albania”. Moderimi iu besua Alaudin Hamitit, që prezantoi përkrah modeleve të njohura shqiptare Adrola Dushi dhe Xhesika Berberi.
Eventi mblodhi bashkë një sërë personazhesh të njohur në vend si Anxhela Peristeri, Flori Mumajesi, Klajdi Haruni, Bruno etj, të cilët ndezën atmosferën në mbrëmjen finale të spektaklit të bukurisë. xh.d/abcnews.al
