Loading ...Rrugët kombëtare përveç se të sigurta duhet të jenë dhe të kuruara.
Për këtë do të kujdeset Autoriteti Rrugor Shqiptar, i cili prej vitit 2023 mirëmbajtjen estetike të akseve kombëtare e ka shtuar në fushën e përgjegjësisë.
Projekti ka nisur të zbatohet nga rreth rrotullimi i Rinasit ku zëvëndëskryeministrja njëherësh ministre e Infrastrukturës dhe Energjisë Belinda Balluku ishte për ta inspektuar.
“Lashë çdo punë se këtu nuk është pikë hyrje vetëm e Tiranës, por e të gjithë Shqipërisë. Një plan pune për gjelbërimin e rrugëve kombëtare po përgatitet. Kemi një studim, por tani duhet një plan. Të gjitha ndarjet e rrugëve kombëtare të jenë të ndara me oleandra që janë të rezistueshme ndaj klimës. Pisha në anë të autostradës, ose palma në bregdet. Gjatë verës jemi përballur me pastrimin e rrugëve , kompanitë e mirëmbajtës sigurisht, por merren me shtresat asfaltime, sigurinë rrugore, si kërkojmë kompanive të mirëmbajtjes të mbledhin mbeturinat gjatë gjithë kohës. Edhe pjesa e pastrimit është pjese e mirembajtjes estetike.”
Projekti i mirëmbajtjes estetike sipas Autoritetit Rrugor Shqiptar është në fazën e parë të tij dhe ka nisur në rreth rrotullime e hyrje dalje të rrugëve kryesore./abcnews.al
