Janë luajtur sot dy sfida miqësore mes ekipeve shqiptare. Në Fushë-Krujë, Kastrioti luajti ndaj Kukësit, me verilindorët që triumfuan me rezultatin e ngushtë 0-1.
Ka mjaftuar një penallti e shndërruar në gol nga sulmuesi i ardhur këtë merkato, Eze, për të vendosur fatet e takimit. Bomberi u tregua i saktë nga pika e bardhë e penalltisë në minutën e 27-të të sfidës dhe në pjesën e mbetur të takimit, nuk pati më gola.
Ndërsa në “Adush Muça” në Ballsh, Bylisi priti ekipin e Apolonisë. Edhe ekipi ballshiot, ka fituar me rezultatin e ngushtë 1-0, falë një penalltie të shdërruar në gol nga mesfushori Mëllugja./abcnews.al
Miqësore
Bylis – Apolonia 1-0
Shënues: Mëllugja 78′ (pen)
Kastrioti – Kukësi 0-1
Shënues: Eze 27’ (pen)
Formacionet:
KASTRIOTI: Abibi, Deliaj, Çela, Bojom, Prodani, Okebugu, Basha, Mehmeti, Moraes, Bardhi, De Silva. Trajner: Ramazan Ndreu
KUKËSI: Xhika, Kotobelli, Lulaj, Horic, Dragoshi, Demiri, Ymeri, Leiria, Domi, Z.Gavazaj, Eze. Trajner: Skënder Gega
