Ministri i Jashtëm grek Nikos Dendias gjatë vizitës në Tiranë zhvilloi një takim edhe me përfaqësuesit e minoritetit dhe Kryepeshkopin Janullatos.
Kreu i PBDNJ-së, Vangjel Dule i ngriti Dendiasit disa shqetësime me të cilat sipas tyre përballet minoriteti grek në Shqipëri, siç janë mbrojtja e pronës, arsimi, etj.
Në takim gjithashtu minoriteti kërkoi heqjen e kushtit për testin e covid-it për të kaluar në Greqi dhe rihapjen e doganës në Mavromati.
Ministri i Jashtëm Nikos Dendias pasi përsëriti mbështetjen për komunitetin bëri edhe një premtim. “Vizitën e ardhshme do të vij në Himarë, do të vizitoj edhe fshatin Vouno” nga ku është origjina e familjes së tij.
Dendias takoi sot liderët e shtetit shqiptar, ku u zyrtarizua marrëveshja që çështja e kufirit detar të dërgohet në Hagë për t’u zgjidhur përfundimisht./ db/Abcnews.al
