Ministrja e Jashtme e Gjermanisë, Analena Burbock, foli me tone të ashpra referuar Vladimir Putin në Nju Jork. Në mbledhjen e Këshillit të Sigurimit të OKB-së, 43-vjeçarja kritikoi Putinin, ndërsa lufta ruse kundër Ukrainës vazhdon ende.
Duke iu drejtuar ambasadorit rus në OKB, Wasili Nebensja, ajo nuk hezitoi të fliste ashpër për presidentin Putin.
“Mund ta mashtroni veten. Burri më i fuqishëm në vendin tuaj mund të fshihet pas vajzave adoleshente që janë rrëmbyer. Por ju nuk mund ta mashtroni botën.”
Sipas të dhënave të qeverisë ukrainase, rusët kanë rrëmbyer të paktën 19,500 fëmijë që nga fillimi i luftës dhe më pak se 400 janë kthyer në familjet e tyre deri më tani. Raportet e mediave tregojnë se disa prej këtyre fëmijëve u shfaqën në faqet e internetit të birësimeve.
Wow. Germany‘s Foreign Minister Annalena Baerbock just attacked the Russian Ambassador + President Putin directly at the UN Security Council. "You can fool yourself: The strongest man of your country can hide behind teenager girls who he kidnapped. But you cannot fool the world" pic.twitter.com/qy9zfOoacx
— Bastian Brauns (@BastianBrauns) September 24, 2024
Gjithashtu në mars 2023, Gjykata Penale Ndërkombëtare lëshoi urdhra arresti kundër Putinit dhe Komisioneres Ruse për të Drejtat e Fëmijëve, Maria Lvova-Belova për deportime të dyshuara të detyruara të fëmijëve nga Ukraina në Rusi.
Sipas mediave, Burbok ka pasur një konfrontim verbal edhe me një gazetar rus.
Në fjalimin e saj në Këshillin e Sigurimit të OKB-së, ministrja e Jashtme gjermane përmendi pikat kyçe për negociatat e mundshme të paqes: “Paqja do të thotë që ekzistenca e Ukrainës si një vend i lirë dhe i pavarur është i garantuar.
Do të thotë garanci sigurie. Dhe gjithashtu: Kur flasim për paqen, kjo do të thotë për Ukrainën se mund të jetë e sigurt se fundi i armiqësive nuk do të thotë një raund tjetër negociatash me Rusinë.
/abcnews.al
