Ministria e Mbrojtjes ka reaguar për 3 efektivët e KFOR, të cilët janë konfirmuar me koronavirus. Sipas ministrisë, 3 efektivët janë infektuar gjatë kryerjes së detyrës në misionin e KFOR në Kosovë dhe janë pjesë e kontributit prej 29 efektivësh të FA në këtë operacion.
Ministria e Shëndetësisë njoftoi më herët se tre efektivët janë të shtruar në spitalin Infektiv në Tiranë.
LEXO EDHE: Shtrohen tek Infektivi me koronavirus tre ushtarë shqiptarë të KFOR-it që shërbejnë në Kosovë
Njoftimi i plotë:
Ministria e Mbrojtjes bën me dije se, 3 efektivë të Forcave të Armatosura, pjesë e operacionit të KFOR (Kosovë) kanë dalë pozitiv ndaj COVID-19.
3 efektivët janë infektuar gjatë kryerjes së detyrës në misionin e KFOR dhe janë pjesë e kontributit prej 29 efektivësh të FA në këtë operacion.
Sipas udhëzimit të NATO, gjatë operacioneve (misioneve), nëse personeli ushtarak, përfaqësues i një prej vendeve anëtare të Aleancës, del pozitiv me COVID-19 duhet riatdhesohet.
Nisur nga kjo direktivë e NATO, Ministria e Mbrojtjes dhe Shtabi i Përgjithshëm i Forcave të Armatosura morën masa për kthimin në atdhe dhe trajtimin e 3 efektivë, sipas protokollit të vendosur nga Ministria e Shëndetësisë dhe Mbrojtjes sociale. Nga kontaktet e deritanishme, 3 efektivët nuk kanë shfaqur shenja problematike për shëndetin e tyre.
Bëjmë me dije se pjesa tjetër e kontingjentit të FA misionin KFOR, deri më tani gëzon shëndet të plotë.
/abcnews.al
