Dy fëmijë me nënshtetësi franceze janë vrarë në Rripin e Gazës, njoftoi sot Ministria e Jashtme franceze, pa specifikuar rrethanat.
Në njoftim thuhet se janë plagosur nëna franceze dhe fëmija i saj i tretë. Konsullata franceze në Jerusalem deri më tani nuk ka qenë në gjendje të kontaktojë nënën, tha ajo.
Qeveria franceze përsëriti thirrjen e saj që francezët dhe shtetasit e vendeve të tjera të lejohen të largohen nga enklava e rrethuar palestineze.
