Ministri norvegjez i Shëndetësisë: E kemi nën kontroll pandeminë

schedule11:08 - 7 Prill, 2020

schedule 11:08 - 7 Prill, 2020

Ministri i Shëndetësisë së Norvegjisë, Bent Höie ka njoftuar se vendi ka vënë nën kontroll pandeminë e koronavirusit të ri (COVID-19).

Ministri Höie në një konferencë për media tha se në Norvegji para masave kundër COVID-19, një person infektonte 2,5 persona ndërsa pas masave të ashpra të ndërmarra muajin e kaluar shifra ka rënë në 0,7.

“Po të mos kishim marrë masa të ashpra do të përjetonim atë që ndodhi në vendet tjera europiane”, tha ai.

Qeveria e Norvegjisë do të vendosë të martën se çfarë kufizimesh do të heqë pas pushimit të Pashkëve për ta rikthyer vendin ngadalë afër normalitetit.

Sipas të dhënave të përditësuara statistikore, ai bëri të ditur se në vend nuk ka rritje të numrit të rasteve me koronavirus. Ai shtoi se numri i pacientëve që ndodhen në spitale do të zvogëlohet në ditët në vijim.

Në Norvegji janë testuar 111.299 persona ndërsa prej atyre 5.755 janë diagnostikuar me koronavirus. Deri më tani 59 persona kanë humbur jetën në këtë vend./abcnews.al