Zëvendëskryeministri dhe ministri i Jashtëm italian Antonio Tajani prezantoi mundësinë e organizimit të një konference për rindërtimin e Rripit të Gazës në takimin e ministrave të zhvillimit të G7 në Pescara.
“Popullsia jonë civile, pavarësisht kombësisë, duhet të ndihmohet dhe besoj se mund të dërgojmë një sinjal të qartë, sepse me praninë e tre bashkëbiseduesve kryesorë, përfaqësuesve të Izraelit, Libanit dhe Palestinës, të cilët do të takohen me vendet e G7-ës. Shpresoj që ne mund të bëjmë një hap përpara”, tha Tajani në margjinat e takimit.
Ansa raportoi të hënën se Tajani u takua me kryeministrin izraelit Benjamin Netanyahu në Jerusalem dhe bëri thirrje për një armëpushim në Liban dhe Rripin e Gazës. Ai u takua gjithashtu me homologun izraelit Israel Katz në Jerusalem dhe theksoi nevojën për të siguruar mbrojtje maksimale për kontigjentin italian në UNIFIL.
Sipas burimeve, Tajani i kërkoi qeverisë izraelite të përshpejtojë dhe të ndihmojë hyrjen e ndihmave humanitare në Rripin e Gazës. Para Izraelit, Tajani vizitoi territoret palestineze, ku u takua edhe me kryeministrin palestinez Mohammad Mustafa, /abcnews.al
