LUKSEMBURG- Ministri i Punëve të Jashtme dhe Tregtisë së Hungarisë, Péter Szijjártó, i cili do drejtojë konferencën e Dytë Ndërqeveritare mes Shqipërisë dhe Bashkimit Evropian foli para nisjes së takimit.
Ai shtoi se në krye të agjendës, është përshpejtimi i integrimit të Ballkanit Perëndimor në Bashkimin Evropian. Diplomati hungarez tha se do ndihej i lumtur nëse vendet e Ballkanit Perëndimor të bëheshin pjesë e BE, sidomos Shqipëria.
“Ajo çka kemi vënë në krye të agjendës është përshpejtimi i integrimit të Ballkanit Perëndimor në BE. Në fakt jetojmë në të njëjtin rajon dhe e dimë se çfarë ndryshimi ka zhvillimi në paqe dhe natyrisht që ne mund të ndihmojmë me zhvillimin e Ballkanit Perëndimor me zhvillimet paqësore në situatën e tyre. Kështu që do të ishim vërtetë të lumtur të kishim vendet e Ballkanit Perëndimor në BE, sidomos Shqipërinë. Kjo është dhe falë km dhe kabinetit të tij sepse kanë bërë një punë të jashtëzakonshme”, tha Péter Szijjártó.
Hungaria kryeson Presidencën e radhës së BE-së dhe do të drejtojë konferencën e Dytë Ndërqeveritare, ku Shqipëria do të nisë rrugën e çeljes së grupkapitujve thelbësorë me Bashkimin Evropian.
Kryeministri Edi Rama u shpreh se brenda 2030, Shqipëria do të jetë gati për t’u bërë një shtet me të drejta të plota në familjen europiane./abcnews.al
