Loading ...
Nuk ka asnjë mosmarrëveshje midis Bashkimit Evropian dhe Shteteve të Bashkuara të Amerikës në lidhje me Iranin, deklaroi sot ministri i Jashtëm gjerman, Johann Wadephul.
Duke folur për gazetarët në takim në G7 në Francë, ai theksoi se Irani nuk duhet të zotërojë armë bërthamore dhe nuk duhet të përbëjë një kërcënim për rajonin.
“Ne tashmë po i ndiejmë pasojat ekonomike kudo, veçanërisht në Evropë”, u shpreh Wadephul.
Ai shtoi se kjo është arsyeja pse zyrtarët evropianë dhe amerikanë kanë diskutuar në detaje pasojat e luftës që përfshin Iranin, duke nënvizuar se nuk ka absolutisht asnjë dallim qëndrimesh mes BE-së dhe SHBA-së për këtë çështje.
“Nuk ka pasur dhe nuk ka asnjë kërkesë nga SHBA-të, drejtuar posaçërisht neve, për të dhënë një kontribut ushtarak para përfundimit të armiqësive”, theksoi ministri gjerman.
