Ministri i Brendshëm i Austrisë, Karl Nehammer, viziton sot Kosovën. Nehammer do të pritet nga ministri i Brendshëm i Kosovës, Xhelal Sveçla.
Siç raporton Gazeta Express, takimi do të fillojë në ora 12:00 dhe mbahet në godinën e Ministrisë së Punëve të Brendshme, në Prishtinë.
Pas takimit, të dy ministrat do të dalin në konferencë për media. Vizita e tij vjen në një kohë kur situata në veri në kufirin midis Kosovës dhe Serbisë është e tensionuar për shkak të vendosjes së reciprocitetit të targave nga qeveria e Kosovës. g.v/abcnews.al
