Loading ...
Ministri francez i Shëndetësisë Olivier Veran tha sot për stacionin radiofonik Evropa 1 se vaksinat kundër koronavirusit pritet të jenë efektive edhe ndaj llojit të mutacionit të SARS CoV-2 të zbuluar në Mbretërinë e Bashkuar.
“Në teori, nuk ka asnjë arsye për të besuar se vaksina nuk do të jetë efektive,” tha Veran për variantin e ri të virusit që po qarkullon.
Ministri vlerësoi gjithashtu se lloji i ri i virusit ka të ngjarë të qarkullojë në Francë, megjithëse testet e fundit nuk e kanë identifikuar atë në vend.
“Eeshtë shumë e mundshme që virusi po qarkullon në Francë,” tha Veran. /abcnews.al
