Pushtimi i Afganistanit nga talebanët është një “dështim i bashkësisë ndërkombëtare”, ka thënë Sekretari i Mbrojtjes i Britanisë Ben Wallace, duke vlerësuar se ndërhyrja e Perëndimit ishte një punë vetëm gjysmë e kryer.
“Të gjithë ne e dimë se Afganistani nuk ka përfunduar. Është një problem i papërfunduar për botën dhe bota duhet ta ndihmojë atë, “i tha BBC.
I pyetur se si është ndjerë nga kjo situatë, ai u përgjigj: “Unë jam ushtar … është e trishtueshme dhe Perëndimi ka bërë atë që është bërë, ne duhet të bëjmë çmos që t’i nxjerrim njerëzit jashtë dhe tu qëndrojnë detyrimeve tona, 20 vjet sakrificë është ajo që është”. g.v/abcnews.al
