Një bllokim i dytë kombëtar për shkak të koroanvirusit nuk është “i pashmangshëm”, ka deklaruar ministri i britanik, Robert Jenrick.
Kur u pyet nëse Mbretëria e Bashkuar do të vendosë një bllokim kombëtar si Franca dhe Gjermania, Jenrick pohoi se “ të gjithë duhet të ndërmarrin veprime për jetën tonë të përditshme në favor të qasjes sonë aktuale”, gjithashtu duhet të ndërmarrim veprime në vendet ku virusi është më i përqendruar dhe duhen shmangur disa nga veprimet që kanë ndodhur në Europën kontinentale.
Ministri mbrojti “qasjen e rajoneve” të qeverisë britanike për të mbajtur nën kontroll përhapjen e COVID-19, duke thënë se një bllokim kombëtar “duhet të jetë mundësia e fundit”.
“Gjykimi që po bëjmë sot është se nëse ndjekim qasjen e rajoneve, ne kemi një perspektivë të mirë për të mbajtur nën kontroll koronavirusin,” tha Jenrick.
“Nëse vendosim një bllokim të dytë kombëtar, mund të mos jetë për një periudhë të shkurtër kohe,” shtoi ai.
Qeveria e Mbretërisë së Bashkuar prezantoi një sistem me tre nivele kufizimesh këtë muaj, me zonat më të prekura për të kontrolluar përhapjen e virusit./abcnews.al
