Policia i ka bërë thirrje protestuesve të opozitës që të lirojnë rrugën në rrethrrotullimin e Milotit, e cila është bllokuar që prej orës 17:00.
Gazetari i ABC News, Ervin Leka raporton se nga momenti në moment, mund të ketë ndërhyrje nga ana e policisë.
“Policia me megafon ka bërë thirrje për lirim të rrugëve. Ka pasur një moment kur forcat zjarrfikëse ndërhynë për të shuar flakët që u vunë nga protestues në anë të autostradës. Pjesa tjetër ka qenë kryesisht e qetë. Policia nuk ka bërë ende një ndërhyrje. Policia ka bërë disa herë thirrje, mund të kemi edhe një ndërhyrje për të shpërndarë pjesën e protestuesve”, raportoi gazetari Ervin Leka./abcnews.al
