Kapiteni i Lazio, Ciro Immobile, hodhi poshtë një ofertë fitimprurëse nga një klb saudit i paidentifikuar në mënyrë që të mbyllë karrierën e tij në Romë.
Ai ka shënuar 10 gola dhe ka asistuar 3 herë në 27 ndeshje në Serie A, duke luajtur rolin e tij në luftën e ekipit për një pozicionim në top katërshe.
Immobile ka shënuar vetëm një gol në dy muajt e fundit për Lazion, duke u rikthyer në formë pasi u përfshi në një aksident automobilistik muajin e kaluar, i cili e la atë me një dëmtim të lehtë të shtyllës kurrizore, një frakturë në brinjë dhe një problem në krah.
Siç detajohet nga “Il Messaggero”, Immobile nuk ka dëshirë të largohet nga Lazio para përfundimit të karrierës së tij si lojtar dhe ai ka refuzuar një ofertë fitimprurëse nga një klub i Arabisë Saudite duke shfaqur kështu besnikëri dhe jo interes për milionat.
33-vjeçari ka një kontratë deri në vitin 2026 me Lazion dhe mund ta rinovojë përsëri pas këtij afati./ h.ll/abcnews.al
