Milan luajti para dy ditësh me Torinon dhe fitoi me shifrat 2-0, por humbi Tonalin, i cili doli me barelë nga fusha e lojës mes dhimbjesh. Këtë të fundit fatmirësisht duket se kanë qenë momentale sepse nga Italia raportojnë se ai e ka rikuperuar dëmtimin e pësuar nga ajo përplasje me Verdin.
Një lajm shumë i mirë për Piolin, i cili vjen para ndeshjes ndaj Torinos, këtë herë në Kupën e Italisë ditën e nesërme. Duke parë gjendjen e ekipit, Tonali mund ta nisë titullar ndeshjen.
Krunic dhe Rebic janë të infektuar, ndërsa Bennacer, Saelemaekers dhe Gabbia janë ende në rikuperim e sipër, duke konfirmuar mungesën e tyre ditën e nesërme.
Mesfusha pritet të përbëhet nga Tonali, Calabria dhe Kessie, në sulm do të luajnë Castillejo, Hauge dhe Leao, me Ibrën, që e nis nga stoli. Në portë Donnarumma i lë vendin Tatarusanu. /abcnews.al
