Stephan El Shaarawy mund të rikthehet tek Milani. Sulmuesi i Shanghai Shenhua dëshiron të largohet nga Kina dhe Paolo Maldini po e monitoron me kujdes situatën e tij. Drejtori sportiv i kuqezinjve e ka theksuar se ata do të jenë aktiv në merkato edhe nëse ka vetëm një mundësi të vetme.
Sipas raportimit të “Corriere Dello Sport”, agjenti i 28-vjeçarit, i cili është dhe vëllai i El Shaarawyt, po mbyll kontratën me kinezët dhe kështu “Faraoni” do të jetë një lojtar i lirë. Ndoshta Milanit do t’i interesonte rikthimi i tij, pse jo dhe në këto kushte pa asnjë kosto.
Kujtojmë që sulmuesi anësor ka qenë pjesë e “Djallit” nga viti 2011 deri në 2016. Stephan ka luajtur në total 101 ndeshje me milanezët, ku ka shënuar dhe 27 gola. Mbetet për t’u parë nëse ai do të rikthehet dhe një herë tjetër në “San Siro”. /abcnews.al
