Brahim Diaz është një nga afrimet e Milanit në merkato. Kuqezinjtë arritën akordin me Real Madrid për huazimin e 21-vjeçarit ofensiv, i cili gjeti golin e parë me ekipin e ri në fitoren 0-2 ndaj Crotones në kampionat.
Lojtari spanjoll ka folur Efe rreth transferimit në Serie A dhe Zlatan Ibrahimovic. Diaz bën edhe një premtim si Theo Hernandez, gjithmonë nëse Milani ia del të sigurojë kualifikimin për në Champions League.
“Nuk u mendova dy herë kur erdhi oferta e Milanit. Është e vërtetë që kisha edhe opsione të tjera, por Milani është një klub madhështor dhe njeh vetëm rezultate pozitive e fitore prej fundit të karantinës.
Ibrahimovic? Zlatan është një person i shkëlqyer. Që prej ditës time të parë në Milanello kam marrë këshilla të çmueshme nga ai. Si futbollist nuk diskutohet, të gjithë i kanë sytë në ballë dhe e shohin se çfarë bën në fushën e blertë.
Objektivi ynë është kualifikimi në Champions League. Theo u shpreh se do të lyejë flokët kuqezi nëse ia dalim të rikthejmë Milanin në grupe. Të njëjtën gjë do të bëj edhe unë, më pas do të bëjmë një selfie së bashku“, deklaron Brahim Diaz. /abcnews.al
