Milan vazhdon të jetë në merkato për një qendërmbrojtës dhe me shumë mundësi do të kemi një transferim në ditët e ardhshme. Klubi kuqezi ka në dispozcion tashmë vetëm katër lojtarë në këtë rol, konkretisht: Romagnoli, Kjaer, Gabbia dhe Kalulu, pasi Musacchio dhe Duarte janë jashtë planeve të drejtuesve.
Sipas raportimit të gazetarit turk, Ekrem Konur, ideja më e fundit për mbrojtjen është Medhi Benatia. Ish-lojtari i Juventusit aktulisht është pjesë e Al Duhail në Katar, por mund të tundohet nga ideja e rikthimit në Serie A.
Në garë për 33-vjeçari është edhe Fenerbache si dhe klubi i Genoas. Megjithatë, Milan kërkon të transferojë Mohamed Simakan, duke u bazuar dhe në projektin e klubit, i cili synon lojtarët e rinj në moshë. Megjithatë, gjithçka mbetet për t’u parë në ditët në vijm se kush do të jetë afrimi i ri i kuqezinjve. /abcnews.al
