Presidenti i Republikës Ilir Meta, ka reaguar sërish për grevën e zhvilluar nga kontrollorët në Rinas e cila ka bllokuar trafikun ajror shqiptar.
Meta nëpërmjet një statusi në rrjetin social “Facebook”, thekson se çështja e Aeroportit të Rinasit është çështje e sigurisë kombëtare dhe e detyrimeve ndërkombëtare, por përgjigjen përfundimtare do t’ja japë “qeverisë së 1 prillit”, pasditen e sotme nga qyteti i Vlorës.
Lexo edhe: Pezullimi i fluturimeve, Rama akuza Metës: Je një nga dy nxitësit, kërkoni rrëzimin e shteti
Statusi:
Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.
Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.
Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm.
/abcnews. al/
