Kreu i shtetit shqiptar Ilir Meta është pritur në një vizitë zyrtare në Shtetet e bashkuara të Amerikës nga senatori Roy Blunt, zëvendës-kryetar i konferencës së senatorëve Republikanë atje. Gjatë takimit të mbajtur në Ëashington, presidenti shqiptar theksoi rolin e rëndësishëm që Shtetet e bashkuara kanë për të ardhmen e rajonit tonë, jo vetëm në konsolidimin e arritjeve të deritanishme por edhe në sigurimin e stabilitetit dhe përparimit të demokracisë.
Ne mbështesim politikën e dyerve të hapura të NATO-s – ka thënë presidenti Meta – dhe pas antarësimit të Malit të Zi, vlerësojmë se edhe antarësimi i Maqëdonisë do ishte një arritje pozitive për të ardhmen e gjithë rajonit.
Dy bashkëbiseduesit gjatë diskutimit kanë shprehur dëshirën që parlamenti maqedonas të mund të arrijë bashkëpunimin e duhur për t’iu përgjigjur aspiratës së qytetarëve për antarësim në NATO dhe BE. /abcnews.al
