Presidenti i Republikës Ilir Meta, ditën e sotme ka marrë pjesë në stërvitjen e talenteve të rinj të ekipit “Vlora B”.
“Në ambientet e stërvitjes së talenteve të reja të futbollit në Vlorë, me të ardhmen premtuese të “Flamurtarit” dhe Ekipit Kombëtar, ku mjeshtrat e vegjël të ekipit “Vlora B” dhe trajneri i tyre i përkushtuar Bardhyl Xhakollari më ftuan për një miqësore”, shkruan Meta në rrjetin social “Facebook”.
Meta gjithashtu është ndalur tek zgjedhjet e 25 prillit, duke u shprehur se pas zgjedhje do të ritkhehet sërish në këtë fushë me talentet e vegjël, kur rinia vlonjate sipas presidentit, të mundë “horrat e Rilindjes”.
“U premtova se pas 25 Prillit, kur rinia vlonjate dhe e të gjithë vendit do shpartallojë thellë ekipin e bandave të “Astirit” dhe horrave të Rilindjes, do rikthehem në fushën e tyre për të luajtur së bashku vetëm për fitoren e Vlorës dhe të Shqipërisë”, thotë me tej Meta.
Reagimi i plotë:
Në ambientet e stërvitjes së talenteve të reja të futbollit në Vlorë, me të ardhmen premtuese të “Flamurtarit” dhe Ekipit Kombëtar, ku mjeshtrat e vegjël të ekipit “Vlora B” dhe trajneri i tyre i përkushtuar Bardhyl Xhakollari më ftuan për një miqësore.
U premtova se pas 25 Prillit, kur rinia vlonjate dhe e të gjithë vendit do shpartallojë thellë ekipin e bandave të “Astirit” dhe horrave të Rilindjes, do rikthehem në fushën e tyre për të luajtur së bashku vetëm për fitoren e Vlorës dhe të Shqipërisë.
/abcnews.al/
