Në ditën ndërkombëtare të grave dhe vajzave në shkencë presidenti i Republikës, Ilir Meta, apeloi për përfshirje më të madhe të tyre në kërkimin shkencor dhe garantimin e barazisë gjinore.
Kreu i Shtetit e cilësoi thelbësore këtë per realizimin e objektivave vitale për zhvillimin e qëndrueshëm të një shoqërie.
Presidenti zhvilloi një veprimtari të posaçme në bibliotekën “Musine Kokalari” në njësine administrative numër 7 në Tiranë, ku morën pjesë përfaqësuesi i UNwomen në Shqipëri, Giuseppe Belsito, pedagoge, shkencëtare, nxënëse të shkëlqyera të shkollave të mesme, studente si dhe gra që kanë dhënë kontributin e tyre ndër vite në shkencë.
Me këtë rast Presidenti Meta i dhuroi Bibliotekës tri libra të autorëve shqiptarë, Kristo Frashëri, Virgjil Muçi dhe Marin Barleti për Heroin tonë Kombëtar, në kuadër të Vitit Mbarëkombëtar të Gjergj Kastriotit Skënderbeu./abcnews.al
