Ka vite që kujdeset dhe ruan vlera të trashëgimisë kulturore shqiptare.
Për mbi dy dekada, ditët e Elidës nga Kruja ndahen mes shkollës ku jep mësim dhe punishtes së saj ku qëndis kostume popullore.
Profesionin dhe pasionin nuk i ndan dot ndaj ka zgjedhur t’i ushtrojë të dyja.
“Ky është i gjithë pasioni im, këtu është e gjithë jeta ime. Nëse dikush do më pyeste, në ndan ndaj profesionin me pasionin, unë nuk i ndaj, por i kam lidhur të dyja bashkë”, tha ajo.
Zanatin ja ka lënë trashëgim nëna e saj. Thotë se edhe gjyshja punonte në tezgjah e realizonte veshje te ndryshme popullore.
Çdo kostum që del nga dora e saj bazohet ne modelet e vjetra të kostumeve tradicionale krutane, por edhe në veshjet shqiptare të të gjitha trevave.
Megjithate në disa raste mundohet t’i pershtatet edhe kohës. Per t’i bërë më tërheqëse për vajzat e reja në disa veshje ka shtuar aksesorë e disa të tjera i ka çliruar nga mëngët e gjata duke i bërë me modern, por duke u kujdesur gjithmonë të ruajë elementet e traditës.
Çdo kostum punohet me dorë. Kërkohet kohë dhe shumë durim. Elida ka punësuar edhe zonja të tjera, kontributin e të cilave ajo e vlerëson shumë.
Në pazarin e Krujës ka një dyqan që e ka kthyer në atraksion turistik. Fton aty shqiptarë e të huaj dhe i njeh me trashëgiminë kulturore.
Për të mbajtur gjallë traditën që vitet po e zbehin, Elida po ua meson këtë zanat edhe vajzave të reja./abcnews.al
