Leo Messi apo Cristiano Ronaldo? Kjo pyetje ka vite që bëhet dhe do të vazhdojë të shtrohet si çështje edhe në të ardhmen. Jamie Carragher, ish-mbrojtësi i njohur i Liverpool dhe Anglisë, ka shprehur mendimin e tij në një deklaratë për Daily Mail.
“Messi bën atë që futbollistët e tjerë nuk munden ta bëjnë, besoj se shumë njerëz bien dakord me këtë që po them. Sidoqoftë, kam më shumë respekt për Ronaldon. Arsyeja është se ai ka një talent të jashtëzakonshëm.
Por edhe prej mënyrës se si mendon, përqendrimit dhe ritmit të tij, që me kalimin e kohës e kanë bërë këtë që është. Mentaliteti që ka i ka mundësuar të ngrihet në një tjetër nivel. Leo bën gjëra të mahnitshme në fushë, por edhe CR7 realizon gjëra të veçanta.
Mendoj se Cristiano nuk e ka pasur aspak të lehtë në fillim, njerëzit flisnin vetëm për Messin. Flas për kohën kur CR7 ishte akoma te Manchester United. E njëjta gjë edhe në momentet e para kur shkoi te Real Madrid“, përfundoi Carragher. /abcnews.al
