Postimi i fundit i Lionel Messit në Instagram është bërë më i pëlqyeri sa i përket postimeve të personaliteteve nga fusha e sportit.
Në më pak se 24 orë, fotot e tij me KUpën e Botës kanë mbledhur 43,381,554 pëlqime.
Me këto shifra, kampioni agjentinas “kërcënon” të thyejë rekordin e postimit më të pëlqyer në historinë e Instagramit në përgjithësi!
Numri magjik është 56,210,159 pëlqime që mori një foto me një… vezë në fillim të 2019-ës!
“Rekordi botëror i vezëve”, siç është titulli i faqes që ka postuar këtë foto, siç shpjegojnë krijuesit e saj në postimin e tyre “është bërë për të thyer rekordin e më shumë pëlqimeve në Instagram që Kylie Jenner ka me 18 milionë”.
Kështu veza e famshme mori tre herë më shumë pëlqime se modelja e njohur, por Lionel Messi është nisur për të pushtuar edhe këtë majë. /abcnews.al
