Leo Messi është në një mendje me Gerrard Pique, i cili disa ditë më parë u shpreh se nuk ishin stërvitur mirë gjatë fazës përgatitore. Fajin mbrojtësi ia vinte fluturimeve të shumta gjatë verës. Argjentinasi i rikthehet sërish asaj teme, për të treguar edhe njëherë se kjo është arsyeja pse Barcelona nuk e ka nisur mirë.
“Kur udhëton, nuk stërvitesh mirë. Ne u kthyem nga Japonia, luajtëm në Spanjë dhe pastaj shkuam në USA. Gjithsesi po përmirësohemi. Nuk është një kritikë për bordin drejtues, por është një realitet. Të gjitha klubet e mëdha përfshihen në një fazë përgatitore me të tilla ndeshje miqësore dhe është e nevojshme. Gradualisht do të përshtatemi me garën”, tha Messi për “Marca” pas fitores me Interin.
Në lidhje me takimin kundër zikaltërve, ai shtoi: “Kishim nevojë të fitonim, pasi është një grup i vështirë. Barazuam në ndeshjen e parë dhe fitorja në shtëpi është shumë e rëndësishme për të ecur përpara. Ishte një ndeshje vështirë, pasi ata janë një ekip i mirë, sidomos në pjesën e parë.
Pas pushimit presingu ishte në nivelin e duhur, ishim më të organizuar dhe më të qetë. Nisëm të menaxhonim lojën dhe filluam të krijonim raste. Ishte e vështirë, pasi Interi ushtronte presing me shumë lojtarë te topi. E provuam dhe për fat të mirë erdhën golat dhe fitorja”. /abcnews.al
