Barcelona ka reaguar pas vendimit të Leo Messit për të kaluar në MLS.
Leo Messi mori pjesë në një intervistë të përbashkët në Paris me ‘Mundo Deportivo’ dhe ‘Sport’, në të cilën ai zbuloi vendimin e tij.
Në intervistën Leo flet për mënyrën se si ka jetuar në Paris, për largimin e tij në vitin 2021, të cilin e cilëson si shumë të vështirë dhe shumë të shëmtuar dhe shpjegon arsyet e moskthimit në Barça.
Mes tyre, se ai nuk dëshiron të mbajë përgjegjësi për shitjet e lojtarëve apo ulje rrogash dhe dëshira e tij për të shijuar futbollin jashtë presionit që ekziston në Evropë. Ai gjithashtu thekson se do të dëshironte të rikthehej te Barça, nuk e di se në çfarë pozicioni.
“Doja shumë të kthehesha te Barça, e kisha atë ëndërr. Por pas asaj që ndodhi dy vite më parë, nuk doja të isha sërish në të njëjtën situatë, duke ia lënë të ardhmen në dorën e dikujt tjetër…”.
“Doja të merrja vendimin tim, duke menduar për mua dhe familjen time”, ishin fjalët e Messit.
Pas vendimit të argjentinasi ka reaguar edhe klubi i jetës së tij, Barcelona.
Ata janë shprehur që e respektojnë vendimin e Messit në lidhje me të ardhmen e tij.
“Të hënën më 5, Jorge Messi, babai dhe përfaqësuesi i futbollistit, i ka përcjellë presidentit të klubit, Joan Laporta, vendimin e lojtarit për të nënshkruar me Inter Miami, pavarësisht se kishte një propozim të paraqitur nga Barça në përgjigje të vullnetit të shprehur nga të dy FC Barcelona si nga Lionel Messi për t’u kthyer për t’u veshur si blaugrana.
Presidenti Laporta e kuptoi dhe respektoi vendimin e marrë nga Messi për të kërkuar të konkurrojë në një kampionat me më pak kërkesa dhe më larg fokusit dhe presionit të cilit i është nënshtruar vitet e fundit.
Joan Laporta dhe Jorge Messi gjithashtu ranë dakord të punojnë së bashku për të promovuar një nderim të madh nga tifozët e Barcelonës për një futbollist që ka qenë, është dhe do të jetë gjithmonë i dashur nga Barça”, thuhej në komunikatën e katalanasve.
