“Le Parisien” ka zbuluar se kapiteni i Argjentinës dhe fituesi i Kupës së Botës, Leo Messi, ka rënë dakord të rinovojë kontratën e tij me PSG për të paktën një sezon tjetër, i cili do ta mbajë atë në “Parc des Princes” deri në fund të sezonit 2023-2024, kur ai të jetë 37 vjeç.
PSG kishte qenë në diskutime të rregullta me Jorge Messin, babain dhe agjentin e lojtarit, ku gjatë Kupës së Botës ata kanë arritur një marrëveshje verbale. Lajmi duket se i jep fund spekulimeve për një rikthim të mundshëm te Barcelona, e cila ishte përfolur se po përgatitej të përdorte një nivel tjetër `financiar për të bërë të mundur rikthimin e Messit në “Camp Nou”.
Sipas botimit francez, PSG kishte pak vështirësi për të bindur argjentinasin të qëndronte, me Messin dhe familjen e tij të lumtur dhe të vendosur në Paris dhe marrëveshja e re një mundësi që ai të vazhdojë të luajë në nivelin më të lartë./ h.ll/abcnews.al
