Historia e Evropës tregon se nacionalizmi nuk ofron zgjidhje për problemet, tha sot ministri gjerman i Mbrojtjes gjatë një vizite në Paris, duke theksuar se do të ishte më i lumtur nëse forcat liberale fitonin zgjedhjet e ardhshme parlamentare në Francë.
“Mund të them nga ana ime dhe nga ana e Gjermanisë se nacionalizmi nuk ka qenë kurrë zgjidhja e problemeve. Ky është një mësim nga historia evropiane që nuk mund të injorohet”, theksoi Boris Pistorius në një konferencë të përbashkët për shtyp me homologët e tij francezë dhe polakë.
“Prandaj do të isha i lumtur nëse do të arrihej një rezultat zgjedhor, i cili do të forconte forcat demokratike, të lira dhe pro-evropiane dhe rrjedhimisht të ardhmen e Evropës”, theksoi ai./abcnews.al
