Rrëqethëse janë rrëfimet e njerëzve të bllokuar në vendet e tyre si pasojë e luftës Izrael-Hamas. BBC ndërsa sjell zhvillimet e fundit të luftës, përcjell edhe rrëfimin e një 24-vjeçareje e cila mes frikës së luftës dhe dëshirës për të jetuar bën thirrje për ndihmë.
Një familje prej gjashtë personash dhe ku Tala është e vetmja që mbështet familjen ekonomikisht, tregon se sapo nisi përshkallëzimi i situatës, frika sa vinte e rritej. Vëllai 15-vjeç, Jazid me aftësi të kufizuara mund të lëvizë vetëm me karrige me rrota,. Ndërkohë spitalet në Gaza nuk kanë medikamentet që i duhen, ndërsa bombardimet vazhdojnë dhe e përkeqësojnë më shumë situatën.
“Sapo filloi përshkallëzimi,” thotë Tala, ai u frikësua shumë, krizat vazhduan të përkeqësoheshin e më shumë. Tala tregoi se fitoi bursë dhe studioi në SHBA dhe Bejrut, Liban. Ajo kujdeset për familjen e saj përmes sfidave të jetës përtej kufijve të Gazës.
“Ne po përpiqemi të mbijetojmë. Nuk jemi të sigurt se do t’ia dalim, por po përpiqemi të bëjmë gjithçka që mundemi për të mbijetuar, sepse thjesht nuk dua të vdes në moshën 24 vjeçare.”
Kufiri është një vend ku fjala “fat” ka kuptime të ndryshme. Do të thotë t’i shpëtosh bombardimeve, urisë dhe mungesës së ujit. Do të thotë gjithashtu të lini pas ata që doni, të cilët nuk kanë pasaporta të huaja, ose që nuk janë aq të plagosur aq sa të meritojnë evakuimin, ose që janë bllokuar nën zjarr dhe nuk mund të arrijnë kufirin.
Numri i atyre që janë larguar, ose do të mund të largohen, është vetëm një përqindje e vogël e popullsisë së Gazës prej 2.2 milionë banorësh. Mona, ajo nuk deshi të jepte mbiemrin e saj është një shtetase australiane përmes martesës.
Ajo erdhi vetëm në kufi dhe u përhumbur nga mendimi i familjes së saj të bllokuar në Gaza. Deri në fund të ditës, Tala Ebu Nahleh e kishte të qartë se familja e saj nuk do të ishte aq me fat.
“Unë nuk e di nëse do t’ia dalim nesër, por shpresoj që po”, thotë ajo./abcnews.al/
