Krist Mertiro është një ndër të ftuarit e mbrëmjes së sotme në emisionin “Pressing” në ABC News.
Gazetari i A2, në të njëjtën kohë edhe volejbollist me Tiranën, flet rreth krizës së futbollit dhe bojkotit të klubeve të Superiores.
“Pa diskutim që bojkoti është masë ekstreme. Nëse nuk do të ishte ky vendim nuk do të tërhiqte vëmendje, duket si mënyra e vetme, por mendoj se duket e vështirë zgjidhja.
Qeveria pranon uljen në tavolinë, por nuk është gati t’i plotësojë të gjitha kërkesat. Dalja e fundit e deputetit Ylli ishte shpresëdhënëse dhe optimiste.
Ndërkohë që Libohova, presidenti i Ligës Profesioniste, dukej në fytyrë që ishte pesimist dhe ishte i prerë te bojkoti.
Mendoj se Liga Profesioniste e Futbollit do të dalë e pakënaqur nga takimet e tjera“, deklaron Mertiro. /abcnews.al
