Partizani-Laçi do të jetë sfida më e rëndësishme e javës së 13-të në Superiore dhe tashmë, janë përcaktuar të gjitha detajet e kësaj sfide. “Demat” dhe kurbinasit do të përplasen kundër njëri-tjetrit ditën e hënë, ora 18:00, në “Elbasan Arena”.
Kjo sfidë, do të jetë shumë e rëndësishme për të dyja skuadrat. Partizani vjen si kryesues pas 12 javëve të para. Të besuarit e Franco Lerdës qëndrojnë në krye të Superiores me 22 pikë. Ndërsa Laçi, ka bërë një ngjitje të jashtëzakonshme javët e fundit.
Që kur Cungu erdhi në krye të pankinës, kurbinasit kanë marrë vetëm rezultate pozitive, duke u ngjitur në vend të tretë, me vetëm 3 pikë më pak se Partizani./abcnews.al
SUPERIORE, JAVA 13
E hënë, ora 18:00 (Elbasan Arena)
Partizani – Laçi
