Një fluturim i United Airlines për në Seattle u ndalua pak para nisjes nga aeroporti O’Hare i Çikagos pasi motori i avionit mori flakë.
Për shkak të kësaj, fluturimet e tjera u shtynë gjithashtu.
Fluturimi 2091 i United Airlines ishte planifikuar të ngrihej rreth orës 14:00, kur motori i avionit mori flakë, tha Administrata Federale e Aviacionit të SHBA.
Zëdhënësi i aeroportit njoftoi se avioni ka përjetuar një “situatë emergjente” përpara nisjes dhe se situata është zgjidhur “në mënyrë të sigurt”.
United Airlines tha për Fox News se avioni u tërhoq në portë dhe se pasagjerët u zbarkuan në mënyrë të sigurt dhe se askush nuk u lëndua.
“Ne po punojmë për të shtuar orare alternative të udhëtimit për ta”, shtoi kompania.
Bëhet fjalë për një avion “Airbus A320”, në të cilin ndodheshin 148 pasagjerë dhe pesë anëtarë të ekuipazhit./abcnews.al
