Aziatikët në të gjithë botën kanë qarë nga lumturia, pasi Chloe Zhao shkroi historinë në Golden Globes, duke u bërë gruaja e parë aziatike që fitoi një çmim si regjisorja më e mirë.
Interneti u mbush plot me vlerësime dhe urime, duke e cilësuar atë si një frymëzim për të gjitha gratë dhe vajzat aziatike.
Ky vit gjithashtu është i pari që ka pasur kaq shumë gra të nominuara për regjisorin më të mirë. Regina King dhe Emerald Fennell ishin gjithashtu në garë.
Fitorja e saj u festua gjithashtu në faqen kineze të mediave sociale Ëeibo, ku shumë e vlerësuan talentin e saj.
Në filmin Nomadland, i cili mori gjithashtu çmimin për dramën më të mirë, luan Frances McDormand si një grua me emrin Fern që udhëton nëpër Amerikë si një nomad i ditëve të sotme.
Ishte filmi i tretë me metrazh të gjatë i regjisorës 38-vjeçar, pas Songs My Brothers Taught Me dhe The Rider./e.b-abcnews.al
