Dinamo ende nuk ka nisur me zyrtarizimet, por nën urdhrat e Bledi Shkëmbit janë vënë disa futbollistë. Emri më i spikatur është Sabien Lilaj.
Së fundmi ka mbërritur në kryeqytet edhe një mbrojtës qendre, i cili ka luajtur edhe në elitën e futbollit çek me skuadrën e Pribram.
Bëhet fjalë për një kamerunas, Olivier Kingue, 25 vjeç, i cili do të jetë një nga përforcimet e Dinamos për gjysmën e dytë të sezonit.
Merkato e bluve nuk mbyllet me kaq, pasi priten edhe të tjera përforcime në vazhdim, mes tyre edhe sulmuesi Reginaldo që ka luajtur me Luftëtarin, Laçin dhe Kukësin. / abcnews.al
