Trajneri i Manchester United, Ole Gunnar Solskjaer, ka folur për mediet britanike sa i takon kalimit të Bruno Fernandes te “Djajtë e Kuq”. Gjatë 48 orëve të fundit, transferimi i mesfushorit nga Sporting Lisbona tek United u bë thuajse i kryer, por Solskjaer ka hedhur poshtë gjithçka.
Sipas strategut norvegjez, nuk ka ende asnjë zhvillim sa i takon merkatos së “Djajve të Kuq”. Në fjalën e tij, numri një i stolit të Manchester United, tha: “Nuk kam asnjë të re për merkaton. Bruno Fernandes? Nuk e di, iu thashë dhe më parë, nuk kam asnjë të re.
Në momentin që do të kem ndonjë informacion për merkaton, do t’ua them dhe këtu publikisht. Për momentin, nuk po bisedojmë me askënd dhe nuk kemi asnjë të re”, tha mes të tjerash strategu portugez. Kjo deklaratë e tij, nuk është pritur aspak mirë nga tifozët e “Djajve të Kuq”, që po presin me vite të tëra që klubi i tyre të rikthehet në majat e futbollit britanik./abcnews.al
