Mentor Mazrekaj mund të rikthehet në Superiore. Të paktën kështu shkruajnë në Dardani, konkretisht portali “GazetaOlle.com”.
Sulmuesi anësor, që vjet iu bashkua Llapit, mund të veshë fanellën e Laçit. Një ofertë në drejtim të tij ka mbërritur dhe Mazrekaj është gati t’i thotë po, sipas burimit të përmendur më lart.
Në të shkuarën ai ka luajtur në Superiore me Partizanin, ku ka spikatur. Më pas një dëmtim e penalizoi dhe nuk ia doli të tregonte më vlerat e tij. Prishtina, 2 Korriku dhe Ferizaj janë klubet e tjera me të cilat Mazrekaj është aktivizuar. /abcnews.al
