Në verën e kaluar Donny van de Beek la Ajax dhe u transferua te Manchester United për 39 milionë euro. Përtej bujës së kësaj lëvizje, mesfushori nuk ka arritur Të ambientohet dhe nuk ka treguar thuajse asgjë nga ajo që kishim parë te Ajax.
Një nga legjendat e futbollit holandez, Marco Van Basten, ka komentuar situatën e De Beek. Ish-ylli i Milanit ka kritika për sulmuesin dhe shprehet se ai mendonte se ishte shumë për Ajax, por në fund nuk rezultoi kështu.
“Të gjithë mendojnë shumë shpejt se janë shumë për klubin dhe mund të kenë sukses në klube të tjerë më të mëdha, por Holanda ka një kampionat shumë të mirë. Në një klub si Ajax, të ndihmojnë shumë, veçanërisht nëse vjen që 10 vjeç.
Kështu që shpesh shohim që ikin jashtë vendit dhe është histori tjetër. Kur shkon në një klub tjetër duhet të luash në një mënyrë që pjesa tjetër të mendojë se ai është një nga ne dhe me të do fitojmë”, u shpreh Van Basten. /abcnews.al
