Meghan Markle ka bërë një jetë normale gjatë gjithë kohës së saj si anëtare e familjes mbretërore, megjithë deklaratat bombë që bëri gjatë intervistës me Oprah Winfrey, pretendoi biografi i Princeshës Diana. Andrew Morton pretendoi se njerëz të afërt të tij e kishin parë dukeshën e Sussex-it me miqtë gjatë kohësh që ishte në Familjen Mbretërore.
Ai shtoi se Mbretëresha i kishte lejuar Markle që të vazhdonte të aktronte nëse dëshironte. Në intervistën e pak javëve më parë, Meghan pretendoi se ajo u largua nga Pallati vetëm dy herë në katër muaj, duke shtuar se zyrtarët i kishin marrë pasaportën, patentën dhe çelësat e makinës.
Duke folur në podcastin Royally Obsessed, kur u pyet nëse situata e Meghan ishte e ngjashme me atë që kishte përjetuar Diana, ai tha: “Kur po shikoja intervistën, po thoja ‘po, ndjenja e izolimit, ndjenja e dëshpërimit, pikërisht ajo që Diana më thoshte. Por pastaj përsëri, mirë, miqtë e mi thanë se e kishin parë Meghan-in duke ecur nga supermarketi ‘Whole Foods’ në Kensington High Street me qese ushqimesh duke u drejtuar për në Pallatin Kensington”.
“Nuk dukej shumë si burg. Miq të tjerë e kanë parë atë jashtë dhe me miqtë në restorante, kështu që ajo, për mua, duket se ka bërë një jetë normale”, shtoi më tej biografi. /abcnews.al
